Qazaqstan Respýblıkasy Aýyl sharýashylyǵy mınıstrliginiń buıryǵy  №7-1/394

2015 jylǵy 30 sáýir, Astana qalasy Veterınarııalyq esepke alý men eseptilikti júrgizý, usyný qaǵıdalaryn bekitý týraly «Veterınarııa týraly» 2002 jylǵy 10 shildedegi Qazaqstan Respýblıkasy Zańynyń 8-babynyń 45) tarmaqshasyna sáıkes buıyramyn: 1. Qosa berilip otyrǵan Veterınarııalyq esepke alý men eseptilikti júrgizý, usyný qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Veterınarııa jáne tamaq qaýipsizdigi departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr A.MAMYTBEKOV Qazaqstan Respýblıkasy Aýyl sharýashylyǵy mınıstriniń 2015 jylǵy 30 sáýirdegi № 7-1/394 buıryǵymen bekitilgen Veterınarııalyq esepke alý men eseptilikti júrgizý, usyný qaǵıdalary 1. Jalpy erejeler 1. Osy Veterınarııalyq esepke alý men eseptilikti júrgizý, usyný qaǵıdalary (budan ári – Qaǵıdalar) «Veterınarııa týraly» 2002 jylǵy 10 shildedegi Qazaqstan Respýblıkasynyń Zańyna (budan ári – Zań) sáıkes ázirlendi jáne veterınarııalyq esepke alý men eseptilikti júrgizý, usyný tártibin aıqyndaıdy. 2. Veterınarııalyq esepke alý men eseptilik epızootııalyq ahýalǵa, memlekettik veterınarııalyq-sanıtarııalyq baqylaý jáne qadaǵalaý obektileriniń veterınarııalyq-sanıtarııalyq jaı-kúıine monıtorıng júrgizý jáne baǵalaý, veterınarııalyq (veterınarııalyq-sanıtarııalyq) qaǵıdalardy Zańnyń 8-baby, 9) tarmaqshasyna sáıkes bekitilgen, sondaı-aq júrgiziletin is-sharalardyń kólemi men tıimdiligin saqtaý maqsatynda júzege asyrylady jáne ony mynadaı tulǵalar: 1) veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalar; 2) veterınarııa salasyndaǵy qyzmetti júzege asyratyn oblystardyń, respýblıkalyq mańyzy bar qalalardyń, aýdandardyń, oblystyq mańyzy bar qalalardyń jergilikti atqarýshy organdarynyń bólimsheleri (budan ári – JAO bólimsheleri); 3) memlekettik veterınarııalyq uıymdar; 4) memlekettik veterınarııalyq-sanıtarııalyq baqylaý jáne qadaǵalaýdy júzege asyratyn veterınarııa salasyndaǵy ýákiletti organ vedomstvosy (budan ári – vedomstvo), onyń aýmaqtyq bólimsheleri, onyń ishinde veterınarııalyq baqylaý beketteri usynady. 3. Veterınarııalyq esepke alý men eseptilikti júrgizý, tabys etý Qazaqstan Respýblıkasy Aýyl sharýashylyǵy mınıstriniń 2014 jylǵy 25 aqpandaǵy «Veterınarııalyq esep pen eseptilik nysandaryn bekitý týraly» №16-07/114 buıryǵymen (Normatıvtik quqyqtyq aktilerdi memlekettik tirkeý tiziliminde № 9342 bolyp tirkelgen) bekitilgen nysandary boıynsha júzege asyrylady. 4. Veterınarııalyq eseptilikti jaýapty adam toltyrady jáne tıisti mórmen bekitiledi. Veterınarııalyq eseptilik alýshy(lar)ǵa elektrondyq nysanda (skanerlegen kóshirme túrinde) nemese qaǵaz nysanynda (túpnusqa nemese kóshirme túrinde) jiberiledi. Veterınarııalyq eseptiliktiń bir túpnusqasy jaýapty tulǵada (jiberýshi) saqtalady. 5. Veterınarııalyq esepke alý jýrnaldaryn: veterınarııa salasyndaǵy kásipkerlik qyzmetti júzege asyratyn zańdy jáne jeke tulǵalardyń; veterınarııa salasyndaǵy qyzmetti júzege asyratyn memlekettik organdardyń bólimsheleriniń; memlekettik veterınarııalyq uıymdardyń; vedomstvosy, onyń aýmaqtyq bólimsheleri, onyń ishinde veterınarııalyq baqylaý beketteri jýrnaldy júrgizetin adamdary tigedi, nómirleıdi jáne tıisti mórmen bekitedi. Veterınarııalyq esepke alý jýrnaldaryndaǵy jazbalar tıisti jumystyń oryndalý prosesinde nemese tikeleı ol aıaqtala salysymen júrgiziledi. 6. Veterınarııalyq esepke alý jýrnalynyń tıtýldyq paraǵynda jýrnaldyń ataýy, jazbalardyń bastalǵan jáne aıaqtalǵan kúnderi, tıisti jýrnaldy júrgizýge jaýapty adamnyń tegi, aty, ákesiniń aty, sondaı-aq laýazymy kórsetiledi. 7. Veterınarııalyq esepke alý jýrnaldary jazbalardyń aıaqtalǵan ýaqytynan bastap úsh jyl boıy (ákimshilik-aýmaqtyq birliktiń epızootııalyq jaǵdaıyn jazýǵa arnalǵan turaqty saqtalýǵa jatatyn jýrnaldy qospaǵanda) saqtalady. 2. Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalardyń veterınarııalyq esepke alýdy júrgizý jáne eseptilikti usyný tártibi 8. Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalar olardyń veterınarııa salasyndaǵy júzege asyratyn kásipkerlik qyzmetiniń túrine qaraı mynadaı veterınarııalyq esepke alý jýrnaldaryn júrgizedi: 1) veterınarııalyq-profılaktıkalyq is-sharalardy jazýǵa arnalǵan jýrnal (vetesep, № 1-vet nysan); 2) janýarlardyń aýrýlaryn tirkeý jýrnaly (vetesep, № 2-vet nysan); 3) janýarlardy daıyndaý (soıý), saqtaý, óńdeý jáne satýdy júzege asyratyn obektilerdegi et pen qosymsha ónimderdi, janýarlardan alynatyn ónim men shıkizatty veterınarııalyq-sanıtarııalyq saraptaýdy esepke alý jýrnaly (vetesep, № 3-vet nysan); 4) ishki saýda obektilerindegi veterınarııalyq-sanıtarııalyq saraptama zerthanasynda et, balyq, teńiz ónimderi jáne jumyrtqalardy veterınarııalyq-sanıtarııalyq saraptaý jýrnaly (vetesep, № 4-vet nysan); 5) veterınarııalyq-sanıtarııalyq saraptaý zerthanasynda sút jáne sút ónimderin veterınarııalyq-sanıtarııalyq saraptaýdy esepke alý jýrnaly (vetesep, № 5-vet nysan); 6) veterınarııalyq-sanıtarııalyq saraptaý zerthanasynda baldy saraptaý jýrnaly (vetesep, № 6-vet nysan). 9. Osy Qaǵıdalardyń 8-tarmaǵynyń 3) - 6) tarmaqshalarynda kórsetilgen jýrnaldardy janýarlardan alynatyn ónimder men shıkizattyń veterınarııalyq-sanıtarııalyq saraptamasy jónindegi kásipkerlik qyzmetti júzege asyratyn tulǵalar júrgizedi. 10. Osy Qaǵıdalardyń 9-tarmaǵynda kórsetilgen esepke alý jýrnaldarynyń derekteri negizinde jeke jáne zańdy tulǵalar eseptiliktiń mynadaı nysandaryn usynady: 1) janýarlardy, janýarlardan alynatyn ónimder men shıkizatty óndirýdi, daıyndaýdy (soıýdy), saqtaýdy, óńdeýdi jáne ótkizýdi júzege asyratyn obektilerdegi janýarlardan alynatyn ónim men shıkizattyń veterınarııalyq-sanıtarııalyq saraptamasy týraly esep (№ 1-vet nysan). Bul eseptilikti toltyrý kezinde osy Qaǵıdalardyń 8-tarmaǵynyń 3) tarmaqshasynda kórsetilgen jýrnaldyń derekteri paıdalanylady; 2) ishki saýda obektilerindegi (bazarlardaǵy) janýarlardan alynatyn ónimder men shıkizattyń veterınarııalyq-sanıtarııalyq saraptamasy týraly esep (№ 2-vet nysan). Osy Qaǵıdalardyń 8-tarmaǵynyń 3) - 6) tarmaqshalarynda kórsetilgen jýrnaldar esepti jasaý úshin alǵashqy derekter bolyp tabylady; 3) zańdy tulǵalardyń veterınarııalyq bıopreparattardy óndirýi týraly esep (№ 4-vet nysan); 4) veterınarııalyq preparattardy qoldaný jáne jemshóp pen jemshóptik qospalardy paıdalaný týraly esep (№ 6-vet nysan). 11. Osy Qaǵıdalardyń 10-tarmaǵynyń 1) - 4) tarmaqshalarynda kórsetilgen veterına­rııa­lyq eseptilikti veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalar tıisti ákimshilik-aýmaqtyq birliktiń JAO bólimshelerine esep berý kezeńinen keıingi aıdyń besinshi kúnine deıin beredi. 3. Memlekettik veterınarııalyq uıymdardyń veterınarııalyq esepke alýdy júrgizý jáne eseptilikti usyný tártibi 12. Memlekettik veterınarııalyq uıymdar (budan ári – memlekettik uıymdar) júzege asyratyn fýnksııalaryna qaraı veterınarııalyq esepke alýdyń mynadaı jýrnaldaryn júrgizedi: 1) Osy Qaǵıdalardyń 8-tarmaǵynyń 1) - 6) tarmaqshalarynda kórsetilgen veterınarııa­lyq esepke alý jýrnaldary; 2) veterınarııalyq zerthanaǵa kelip túsken materıaldardy tirkeý jýrnaly (vetesep, № 7-vet nysan); 3) bakterıologııalyq zertteýler jýrnaly (vetesep, № 8-vet nysan); 4) vırýsologııalyq zertteýler jýrnaly (vetesep, № 9-vet nysan); 5) serologııalyq zertteýler jýrnaly (vetesep, № 10-vet nysan); 6) gematologııalyq zertteýler jýrnaly (vetesep, № 11-vet nysan); 7) gıstologııalyq zertteýler jýrnaly (vetesep, № 12-vet nysan); 8) bylǵary jáne úlbir shıkizatynyń synamalaryn sibir jarasyna zertteý jýrnaly (vetesep, № 13-vet nysan); 9) janýarlardyń parazıtarlyq aýrýlaryna zerthanalyq zertteýlerdi esepke alý jýrnaly (vetesep, № 14-vet nysan); 10) jemshóp pen basqa materıaldardyń mıkotoksıkologııalyq zertteýler jýrnaly (vetesep, № 15-vet nysan); 11) hımııalyq-toksıkologııalyq zertteýler jýrnaly (vetesep, № 16-vet nysan); 12) bıohımııalyq jáne zerthanalyq-klınıkalyq zertteýler jýrnaly (vetesep, № 17-vet nysan); 13) balyq sharýashylyǵynyń sý qoımalaryn gıdrohımııalyq jáne toksıkologııalyq zertteýler jýrnaly (vetesep, № 18-vet nysan); 14) veterınarııalyq zerthananyń radıologııalyq bóliminiń zertteýlerdi esepke alý jýrnaly (vetesep, № 19-vet nysan); 15) veterınarııada paıdalanylatyn mıkroorganızmder shtammdarynyń qozǵalysyn tirkeý jýrnaly (vetesep, № 20-vet nysan); 16) janýarlardyń ınfeksııalyq, ınvazııalyq jáne sańyraýqulaqtyq aýrýlarynyń qozdyrǵyshtarymen zalaldanǵan zerthanalyq janýarlardy esepke alý jýrnaly (vetesep, № 21-vet nysan); 17) mıkroorganızm shtammdaryn berý jýrnaly (vetesep, № 22-vet nysan); 18) mıkroorganızm shtammdarynyń qasıetterin tekserý nátıjelerin tirkeý jýrnaly (vetesep, № 23-vet nysan); 19) bıomaterıaldy, mıkroorganızm shtammdarynyń daqyldaryn joıýdy tirkeý jýrnaly (vetesep, № 24-vet nysan); 20) janýarlardan alynatyn tamaq ónimderin, jartylaı fabrıkattardy jáne shıkizatty saraptaý nátıjelerin tirkeý jýrnaly (vetesep, № 25-vet nysan); 21) molekýlıarly-genetıkalyq zertteýlerdiń nátıjelerin tirkeý jýrnaly (vetesep, № 26-vet nysan); 22) veterınarııalyq baqylaý posttaryndaǵy kólik quraldarynyń dezınfeksııasy týraly jýrnal (№ 27-vet nysan); 23) veterınarııalyq preparattardyń respýblıkalyq qorynyń saqtalýy jáne kelip túsýi jónindegi jýrnal (№ 28-vet nysan). 13. Respýblıkalyq memlekettik kásiporyndar nysanyndaǵy memlekettik uıymdar júzege asyratyn fýksııalaryna qaraı eseptiliktiń mynadaı túrlerin usynady: 1) veterınarııalyq zerthanalardyń qyzmeti týraly esep (№ 8-vet nysan); 2) referenttik zerthananyń qyzmeti týraly esep (№ 9-vet nysan). 14. Osy Qaǵıdalardyń 13-tarmaǵynyń 1) tarmaqshasynda kórsetilgen veterınarııalyq eseptilikti memlekettik uıymnyń aýdandyq fılıaldary jasaıdy jáne esep berý kezeńinen keıingi aıdyń onynshy kúnine qaraı memlekettik organnyń oblystyq fılıaldaryna jáne JAO bólimshesine usynylady. Memlekettik uıymnyń oblystardaǵy, oblystyq jáne respýblıkalyq mańyzy bar qalalardaǵy, astanadaǵy fılıaldary esep berý kezeńinen keıingi aıdyń on besinshi kúnine qaraı memlekettik uıymdardyń ortalyq apparatyna veterınarııalyq eseptilikti usynady. Memlekettik uıymnyń ortalyq apparaty veterınarııalyq eseptilikti júrgizedi, jınaqtaıdy jáne taldaýyn júrgizedi, sodan keıin ony esep berý kezeńinen keıingi aıdyń jıyrmasynshy kúnine qaraı vedomstvoǵa usynady. 15. Osy Qaǵıdalardyń 13-tarmaǵynyń 2) tarmaqshasynda kórsetilgen veterınarııalyq eseptilikti memlekettik uıymnyń respýblıkalyq mańyzy bar qaladaǵy fılıaly jasaıdy, esep berý kezeńinen keıingi aıdyń on besinshi kúnine qaraı memlekettik uıymnyń ortalyq apparatyna veterınarııalyq eseptilikti usynady. Memlekettik uıymnyń ortalyq apparaty veterınarııalyq eseptilikti júrgizedi, jınaqtaıdy jáne taldaýyn júrgizedi, sodan keıin ony esep berý kezeńinen keıingi aıdyń jıyrmasynshy kúnine qaraı vedomstvoǵa usynady. 16. Memlekettik mekeme nysanyndaǵy memlekettik uıym oryndalǵan jumystar aktileriniń negizinde janýarlardyń asa qaýipti aýrýlarynyń oshaqtaryn joıý týraly esepti (№ 10-vet nysan) usynady. Veterınarııalyq eseptilikti memlekettik uıymnyń oblystyq fılıaldary jasaıdy jáne esep berý kezeńinen keıingi aıdyń on besinshi kúnine qaraı memlekettik uıymnyń ortalyq apparatyna usynady. Memlekettik uıymnyń ortalyq apparaty veterınarııalyq eseptilikti jınaqtaıdy jáne taldaý júrgizedi, sodan keıin esep berý kezeńinen keıingi aıdyń jıyrmasynshy kúnine qaraı vedomstvoǵa usynady. 17. Tıisti ákimshilik-aýmaqtyq birlikterdiń jergilikti atqarýshy orǵandary qurǵan memleketik uıymdar (budan ári – JAO memlekettik uıymdary) osy Qaǵıdalardyń 8-tarmaǵynyń 1) jáne 2) tarmaqshalarynda kórsetilgen veterınarııalyq esepke alýdyń mynadaı jýrnaldaryn júrgizedi. 18. JAO memlekettik uıymdary eseptiliktiń mynadaı túrlerin usynady: 1) memlekettik tapsyrys boıynsha alynǵan bıologııalyq preparattardyń bolýy jáne jumsalýy týraly esep (№ 3-vet nysan); 2) janýarlardyń aýrýlary týraly esep (№ 5-vet nysan); 3) osy Qaǵıdalardyń 10-tarmaǵynyń 4) tarmaqshasynda kórsetilgen esep. 19. Osy Qaǵıdalardyń 18-tarmaǵynyń 1) - 3) tarmaqshalarynda kórsetilgen veterınarııalyq eseptilikti aýdandyq mańyzy bar qala, aýyl, kent, aýyldyq okrýgte veterınarııalyq pýnkt jasaıdy jáne esep berý kezeńinen keıingi aıdyń besinshi kúnine qaraı aýdandyq JAO memlekettik uıymdarynyń ortalyq apparatyna usynady. Aýdandyq JAO memlekettik uıymdarynyń ortalyq apparaty veterınarııalyq eseptilikti jınaqtaıdy jáne taldaý júrgizedi, sodan keıin esep berý kezeńinen keıingi aıdyń onynshy kúnine qaraı aýdandyq JAO bólimshesine usynady. Oblystyq mańyzy bar qalanyń, respýblıkalyq mańyzy bar qalanyń, astananyń JAO memlekettik uıymdary veterınarııalyq eseptilikti jınaqtaıdy jáne taldaý júrgizedi jáne ótkizedi, sodan keıin esep berý kezeńinen keıingi aıdyń onynshy kúnine qaraı oblystyq mańyzy bar qalanyń, respýblıkalyq mańyzy bar qalanyń, astananyń JAO bólimshesine usynady. 4. Veterınarııa salasyndaǵy qyzmetti júzege asyratyn jergilikti atqarýshy organdar bólimsheleriniń veterınarııalyq esepke alýdy júrgizý jáne eseptilikti usyný tártibi 20. JAO bólimsheleri veterınarııalyq esepke alýdyń mynadaı jýrnaldaryn júrgizedi: 1) soıylǵan janýarlardy qarap tekserýdiń jáne soıý pýnktteri (alańdary) men et kombınattaryndaǵy et jáne et ónimderiniń veterınarııalyq-sanıtarııalyq saraptamasynyń nátıjelerin esepke alý jýrnaly (vetesep, № 30-vet nysan); 2) ishki saýda obektilerinde (bazarlarda) ótkiziletin janýarlardy, janýarlardan alynatyn ónimder men shıkizatty tirkeý jýrnaly (vetesep, № 31-vet nysan); 3) óndiris obektilerine eseptik nómirler berýdi tirkeý jýrnaly (vetesep, № 32-vet nysan). 21. JAO bólimsheleri eseptiliktiń mynadaı túrlerin usynady: 1) osy Qaǵıdalardyń 10-tarmaǵynyń 1) tarmaqshasynda kórsetilgen esep; 2) osy Qaǵıdalardyń 18-tarmaǵynyń 1) - 3) tarmaqshalarynda kórsetilgen esepter; 3) veterınarııalyq-sanıtarııalyq obektilerdi salý, lısenzııalaý máseleleri, veterınarııa jáne aýyl sharýashylyǵy janýarlaryn birdeılendirý salasynda qyzmet kórsetetin veterınarııalyq dárigerler sany týraly esep (№ 7-vet nysan); 4) janýarlardy, janýarlardan alynatyn ónimder men shıkizatty óndirýdi, daıyndaýdy (soıýdy), saqtaýdy, óńdeýdi jáne ótkizýdi júzege asyratyn óndiris obektilerinde janýarlardan alynatyn ónimder men shıkizatty memlekettik veterınarııalyq-sanıtarııalyq baqylaý men qadaǵalaý jáne veterınarııalyq-sanıtarııalyq saraptama nátıjeleri týraly esep (№ 12-vet nysan); 5) veterınarııa salasyndaǵy qyzmetti júzege asyratyn jergilikti atqarýshy organdardyń anyqtalǵan buzýshylyqtardaǵy qyzmetine júrgizilgen veterınarııalyq-sanıtarııalyq baqylaý jáne qadaǵalaý esebin qospaǵanda, veterınarııa salasyndaǵy qyzmetti júzege asyratyn jeke jáne zańdy tulǵalar men jergilikti atqarýshy organdardyń bólimshelerin tekserý, sondaı-aq aıqyndalǵan veterınarııa salasyndaǵy zańnamany buzýshylyqtar týraly esep (№ 13-vet nysan). 22. JAO bólimsheleri eseptilikti mynadaı tártippen usynady: 1) aýdannyń (oblystyq mańyzy bar qalanyń) JAO bólimsheleri veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalar jáne aýdandyq JAO-nyń memlekettik uıymdary usynǵan esepterdi jınaqtaǵannan jáne taldaǵannan keıin, esep berý kezeńinen keıingi aıdyń on besinshi kúnine qaraı veterınarııalyq eseptilikti oblystyń JAO bólimshelerine jáne eseptiliktiń ekinshi danasyn vedomstvonyń tıisti aýmaqtyq bólimshesine (budan ári – aýmaqtyq bólimshe) beredi; 2) oblystardyń JAO bólimsheleri jınaqtaýdy jáne taldaýdy júrgizgennen keıin esepti kezeńnen keıingi aıdyń jıyrmasynshy kúnine qaraı veterınarııalyq eseptilikti vedomstvoǵa beredi; 3) Respýblıkalyq mańyzy bar qalanyń, astananyń JAO bólimsheleri veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalar jáne respýblıkalyq mańyzy bar qalanyń, astananyń JAO memlekettik uıymdary usynǵan veterınarııalyq eseptilikti jınaqtaıdy jáne esepti kezeńnen keıingi aıdyń jıyrmasynshy kúnine qaraı usynady. 5. Vedomstvonyń jáne onyń aýmaqtyq bólimsheleriniń, onyń ishinde veterınarııalyq baqylaý beketteriniń veterınarııalyq esepke alýdy júrgizý jáne eseptilikti usyný tártibi 23. Oblystardyń, respýblıkalyq mańyzy bar qalanyń, astananyń, aýdandardyń, oblastyq mańyzy bar qalalardyń aýmaqtyq bólimsheleri veterınarııalyq baqylaý beketterimen birge orny aýystyrylatyn (tasymaldanatyn) janýarlardy shekaralyq veterınarııalyq-sanıtarııalyq baqylaý beketinde qarap tekserý jáne esepke alý jýrnalyn (vetesep, № 29-vet nysan) júrgizedi. 24. Vedomstvonyń aýmaqtyq bólimsheleri, onyń ishinde veterınarııalyq baqylaý beketteri eseptiliktiń mynadaı túrlerin usynady: 1) memlekettik shekara arqyly alyp ótiletin memlekettik veterınarııalyq-sanıtarııalyq baqylaý jáne qadaǵalaý baqylaýyndaǵy orny aýystyrylatyn (tasymaldanatyn) obektilerdi qarap tekserip týraly esep (№ 11-vet nysan); 2) jeke jáne zańdy tulǵalar men jergilikti atqarýshy organdardyń veterınarııa salasyndaǵy qyzmetti júzege asyratyn bólimshelerin tekserý, sondaı-aq óndiris obektilerine eseptik nómir berý týraly esepti qospaǵanda, veterınarııa salasyndaǵy aıqyndalǵan zań buzýshylyqtar týraly esep (№13-vet nysan). 25. Osy Qaǵıdalardyń 24-tarmaǵynda kórsetilgen veterınarııalyq eseptilikti aýmaqtyq bólimsheler, onyń ishinde veterınarııalyq baqylaý beketteri jasaıdy jáne esepti kezeńinen keıingi aıdyń on besinshi kúnine qaraı oblystardyń aýmaqtyq bólimshelerine usynady. Oblystardyń (respýblıkalyq mańyzy bar qalanyń, astananyń) aýmaqtyq bólimsheleri esep berý kezeńinen keıingi aıdyń jıyrmasynshy kúnine qaraı vedomstvoǵa veterınarııalyq eseptilikti usynady. Vedomstvo oblystardyń, respýblıkalyq mańyzy bar qalanyń, astananyń aýmaqtyq bólimsheleri, oblystardyń, respýblıkalyq mańyzy bar qalanyń, astananyń JAO bólimsheleri jáne memlekettik uıymdar usynǵan esepterdi taldaıdy. 26. Vedomstvo alynǵan esep derekteriniń negizinde respýblıka boıynsha jıyntyq esep jasaıdy jáne ony esep berý kezeńinen keıingi aıdyń otyzynshy kúnine qaraı ýákiletti organǵa usynady. Esep derekteri veterınarııalyq is-sharalar josparlaryn jasaǵanda jáne janýarlar aýrýlarynyń paıda bolýyn boljaý, damýy jáne olardy joıý kezinde paıdalanylady. Buıryq Qazaqstan Respýblıkasynyń Ádilet mınıstrliginde 2015 jylǵy 4 maýsymda Normatıvtik quqyqtyq kesimderdi memlekettik tirkeýdiń tizilimine №11265 bolyp engizildi.